آج سے دو سال پہلے جب کسی سرکاری ادارے میں کام کرتا تھا تو پتہ نہیں اچانک کیسے ذہن میں خیال آیا کہ املی کو سندھی میں کیا کہتے ہیں؟ ذہن پر کافی زور ڈالا مگر کوئی فرق نہیں پڑا۔ میری پریشانی بڑہ گئی نیچے آفس میں ایک بندے کو فون کیا کہ املی کو سندھی میں کیا کہتے ہیں وہ بھی بچارا پریشان ہوگیا اس نے کہا کہ میں خود بھول گیا ہوں کہ کیا کہتے ہیں میری پریشانی اور بڑہ گئی۔ اس نے کہا میں اپنے ماموں سے پتہ کرکہ بتادیتاہوں جب تک وہاں سے جواب آئے میں نے گھر فون کیا، چھوٹے بھائی سے پوچھا املی کو سندھی میں کیا کہتے تو اس نے کہا املی کو املی ہی کہتے ہیں پھر دوسرے بھائی سے بات کی تو اس نے بھی یہی جواب دیا۔ اب سوچا امی سے پتہ کروں مگر امی کو اردو کا کیا پتہ، امی سے پوچھا کہ املی کو سندھی میں کیا کہتے ہیں؟ اس نے پوچھا بیٹا املی کیا چیز ہوتی ہے؟ اب میری پریشانی اور بڑہ گئی۔ میں نے کہا املی وہ ہوتی ہے جو کھٹی ہوتی ہے تو اس نے کسی اور چیز کا نام اٹھا یا جو ظاہر ہی املی نہیں تھی میں نے امی وہ جو اس طرح ہوتی ہے امی نے کہا مجھے تمہاری بات سمجھ میں نہیں آرہی۔ میں نے کہا امی وہ جو شادیوں میں پلاؤ میں ڈالتے تھے تو امی نے کہا گدامڑی تو میں نے کہا ہاں وہ ہی گدازمڑی۔ بس کیا تھا میں ہنسی چھوٹ گئی اور آج تک گدامڑی نہیں بھولا۔
کوئی تبصرے نہیں:
ایک تبصرہ شائع کریں